Loksabha Election 2024 Live Updates : संजय निरुपम शिवसेना शिंदे गटात प्रवेश करणार?

1 May 2024, 20:17 वाजता

संजय निरुपम शिवसेना शिंदे गटात प्रवेश करणार आहेत. आज मुख्यमंत्री एकनाथ शिंदे यांनी मला भेटायला बोलावलं होतं. पुढे कसं काय करायचं याबद्दल चर्चा झाली. परवा कदाचित दुपारी तीन ते चार वाजता माझा शिवसेनेत पक्षप्रवेश होईल.
शिवसेनेचे सर्व उमेदवार जिंकण्यासाठी प्रचार करणार. शिवसेनेत पक्ष प्रवेश केल्यानंतर जिथे पक्ष मला सांगेल तिथे जाऊन प्रचार करणार. वीस वर्षानंतर पुन्हा एकदा माझ्या घरात मी प्रवेश करत आहे असं संजय निरुपम म्हणाले. 

1 May 2024, 16:36 वाजता

कोकणामध्ये शिवसेना शिंदे गटात धुसफूस सुरू असून भाजपला मोठा धक्का बसण्याची शक्यता आहे. किरण सामंत यांचे कार्यकर्ते आक्रमक झाले असून. त्यांनी उदय सामंतांच्या कार्यालयावरील संपर्कप्रमुख बॅनर हटवलेत. त्याठिकाणी किरण सामंत संपर्क कार्यालय असा बॅनर लागणार असल्याची माहिती सूत्रांकडून मिळतेय..

1 May 2024, 12:56 वाजता

Loksabha Election 2024 Live Updates : अखेर नाशिकचा उमेदवाराचा तिढा सुटला

ठाणे, कल्याण - डोंबिवलीनंतर महायुतीकडून नाशिकचा उमेदवाराची घोषणा केलीय. नाशिकची जागा शिंदेंच्या शिवसेनेकडे गेली असून इथून हेमंत गोंडस यांना उमेदवारी देण्यात आली आहे. 

हेसुद्धा वाचा - नाशिकचा महायुतीचा उमेदवार ठरला! ना भुजबळ ना शांतिगिरी महाराज, शिंदेंनी 'या' व्यक्तीला दिली उमेदवारी

1 May 2024, 12:45 वाजता

Loksabha Election 2024 Live Updates : लोकसभा निवडणुकीसाठी महायुतीचा फॉर्म्युला ठरला - सूत्र 

राज्यातील 48 जागांवरील महायुतीचं जागावाटप तिढा जवळपास सुटला असून त्यांचा लोकसभा निवडणूक 2024 साठीचा फॉर्म्युला ठरला असं सूत्रांची माहिती आहे. ठाणे, डोंबिवली- कल्याणचा उमेदवाराची घोषणा झाल्यावर आता फक्त पालघर आणि नाशिकचा उमेदवाराची घोषणा बाकी आहे. पण चंद्रशेखर बावनकुळे यांच्या प्रतिक्रियेनुसार नाशिक ही शिवसेनेकडे तर पालघर भाजपकडे असणार आहे. आता या हिशोबाने भाजपला 28, शिंदेंच्या शिवसेनेला 15, राष्ट्रवादीला 4 तर रासपला 1 जागा देण्यात आल्या आहेत. या गणितानुसार महाराष्ट्रात महायुतीचा 28-15-4-1 असा फॉर्म्युला निश्चित झालाय असं सूत्रांची माहिती आहे. 

1 May 2024, 12:03 वाजता

Loksabha Election 2024 Live Updates : नाशिकचा उमेदवार जवळपास निश्चित

कल्याण-डोंबिवली आणि ठाण्याचा महायुतीचा उमेदवार ठरल्यानंतर आता नाशिक आणि पालघरचा तिढाही जवळपास सुटल्या आहे, असं माहिती पत्रकाराशी बोलताना चंद्रशेखर बावनकुळे यांनी दिली. यावेळी त्यांच्यासोबत छगन भुजबळ उपस्थितीत होते. बावनकुळे म्हणाले की, नाशिकची जागा शिंदेंच्या शिवसेनेला, पालघर भाजपकडे असणार आहे. त्याशिवाय नाशिकच्या जागेबद्दल शिंदेंच निर्णय घेतील, असंही ते म्हणाले. सूत्रांनी दिलेल्या माहितीनुसार नाशिकमधून हेमंत गोडसे यांना उमेदवारी निश्चित मानली जातंय. हेमंत गोडसे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थिती उद्या अर्ज भरणार असल्याचं सूत्रांची माहिती आहे. 

1 May 2024, 10:56 वाजता

Loksabha Election 2024 Live Updates : राधाकृष्ण विखे पाटलांचं शरद पवारांना खुल्या चर्चेचं आव्हान

महसूल मंत्री राधाकृष्ण विखे पाटलांनी शरद पवारांना खुल्या चर्चेचं आव्हान दिलंय. नगरमध्ये केलेल्या विकासाबाबत त्यांनी हे आव्हान दिलंय. शरद पवारांनी नगरमधील आपल्या सभेत पद्मश्री विठ्ठलराव विखे पाटील यांच्यानंतर पुढच्या पिढी जिल्ह्याचा कसलाही विकास केला नाही असं म्हटलं होतं. त्याला विखे पाटलांनी उत्तर दिलंय.

1 May 2024, 10:19 वाजता

Loksabha Election 2024 Live Updates : कल्याण - डोंबिवली आणि ठाण्याचा उमेदवारांची घोषणा 

कल्याण - डोंबिवलीमधून मुख्यमत्री एकनाथ शिंदे यांच्या मुलगा श्रीकांत शिंदे यांना उमेदवारी जाहीर करण्यात आली आहे. तर ठाण्यातून नरेश म्हस्केंच्या नावावर शिक्कामोर्तब झाला आहे. कल्याण आणि ठाण्याची जागा शिवसेना शिंदे गटाकडे गेली आहे. 

सविस्तर बातमी वाचा - सस्पेन्स संपला! शिंदे गटाने जाहीर केला ठाण्याचा उमेदवार; कल्याणमधून CM पुत्राला तिसऱ्यांदा संधी

1 May 2024, 09:01 वाजता

Loksabha Election 2024 Live Updates : काही वेळातच गोड बातमी मिळेल - भुसे

नाशिकमधील उमेदवाराचा महायुतीतील तिढी अद्याप सुटलेला नाही. अशातच थोड्याच वेळात गोड बातमी मिळेल, असं दादा भुसे यांनी प्रतिक्रिया दिली आहे. ते म्हणाले की, नाशिकची जागा शिवसेनेकडेच राहील, असा विश्वासही त्यांनी बोलून दाखवला आहे. उमेदवार जाहीर करण्यासाठी उशीर झाला असला तरी याचा कुठलाही फटका पक्षाला होणार नाही. तर संध्याकाळपर्यंत उमेदवार घरोघरी पोहोचेल, असा भुसे म्हणालेत. 

1 May 2024, 08:49 वाजता

Loksabha Election 2024 Live Updates : संभाजीनगरमध्ये शिवसेना उमेदवारासाठी भाजपचा प्रचार

संभाजीनगरमध्ये भाजप अखेर प्रचारासाठी मैदानात उतरल्याचं दिसून येतंय. संभाजीनगरची जागा भाजपला सुटावी यासाठी भाजप आक्रमक होती. मात्र जागा शिवसेनेला सुटल्यानं भाजप प्रचारामध्ये दिसत नसल्याची टीका होत होती. मात्र आता अखेर भाजप महायुतीच्या उमेदवारासाठी मैदानात उतरलेलं दिसतायत.केंद्रीय अर्थ राज्यमंत्री डॉक्टर भागवत कराड आणि राज्याचे गृहनिर्माण मंत्री अतुल सावे यांनी शहरात पदयात्रा काढून, शहरातील वेगवेगळ्या भागात कॉर्नर बैठका घेत महायुतीचा उमेदवार निवडून आणण्यासाठी नागरिकांच्या भेटीगाठी सुरू केल्यायत.

1 May 2024, 08:46 वाजता

Loksabha Election 2024 Live Updates : सोलापुरात योगी आदित्यनाथ काय बोलणार याकडे लक्ष

सोलापुरात आज उत्तर प्रदेशचे मुख्यमंत्री योगी आदित्यनाथ यांच्या जाहीर सभेचं आयोजन करण्यात आलंय. आमदार राम सातपुते यांच्या प्रचारासाठी योगी आदित्यनाथ सभा घेणार आहेत. वल्याळ मैदानावर दुपारी एक वाजता ही सभा होणार आहे.